काठमाडौं । कागती बहुउपयोगी फल हो । यो स्वास्थ्यका लागि निकै लाभदायी हुन्छ । । यसको सेवन स्वास्थ्यका लागि फाइदाजनक मानिनुका साथै सौन्दर्यमा पनि यसको उपयोगिता उत्तिकै छ ।

स्वास्थ्यमा यसले पार्ने फाइदा र विशेष खालको स्वादका कारण कागती विभिन्न प्रकारका भोजनमा प्रयोग गरिन्छ । यसले तौल नियन्त्रण गर्नेदेखि लिएर क्यान्सर लाग्न नदिनेसम्मका काम गर्छ ।

यस्ता छन् कागती सेवनको फाइदाहरु: 

१. यूरेका लेमनमा गोलो कागतीमा भन्दा बढी भिटामिन (सी) उपलब्ध हुने भएकोले मानव शरिरमा रोग प्रतिरोधी क्षमता बढाउनुका साथै एन्टि–अक्सिडेन्टको काम गर्दछ ।

२. कागतीमा साईट्रिक अम्ल र प्राकृतिक लवणहरु म्याग्नेसियम, पोटासियम, फोस्फोरसले शरीरमा भएका विकार (अम्ल) तत्त्वहरुलाई नष्ट गरी रगत सफा गर्ने काममा मद्दत पुर्याउँछ ।

३. मानिसमा हुने स्कर्भी रोगको लागि कागति एउटा अचुक औषधि हो यो रोग भिटामिन (सि) को कमिले हुन्छ । कागतिले मानिसमा हुने विभिन्न समस्या उच्च रक्तचाप, कब्जियत, रुघाखोकी, अपच, पित्त, बाथ, कफ, आलस्य जस्ता समस्यालाई हल गर्न सहयोग पुर्याउँछ ।

४. कागतीले मोटोपन तथा तौल घटाउन सहयोग पुर्याउँछ ।

५. खाना खाने बेलामा विभिन्न दालको परिकारहरुमा कागती रस राख्ने गरिन्छ ।

६। कागतीले रगतमा भएका चिनीको मात्रालाई घटाउन मद्दत पुर्याउँछ ।

७. मुटुसम्बन्धी समस्यालाई कम गर्दछ ।

८. क्यान्सर रोगबाट बचाउन मद्दत गर्दछ ।