चितवन । चितवनको भरतपुर महानगरपालिकामा अहिलेसम्म ९४ हजार २३२ मतगणना गरिएको छ । भरतपुरको प्रमुख पदमा रेनु दाहालले आठ हजार ५९ मतान्तरले अग्रता लिएकी छन् । उनले ३७ हजार २७ मत प्राप्त गरेकी छन् । एमालेका विजय सुवेदीले २८ हजार ९६८ मत पाएका छन् । स्वतन्त्र उमेदवार जगन्नाथ पौडेलले १२ हजार २३३ मत ल्याएका छन् ।

उपप्रमुखमा गठबन्धनबाटै नेपाली कांग्रेसका उमेदवार चित्रसेन अधिकारीले ३९ हजार १२९ मत प्राप्त गरेका छन् । राष्ट्रिय प्रजातन्त्र पार्टी (राप्रपा)का उमेदवार हिमला गुरुङले २२ हजार ९११ मत पाएकी छन् ।