पोखरा महानगरमा धनराज आचार्य निर्वाचित हुने पक्का, गन्न बाँकीभन्दा मतान्तर धेरै

सुनौलो नेपाल
मंगलबार, १० जेष्ठ २०७९

काठमाडौं । काठमाडौं । नेकपा एकीकृत समाजवादीबाट धनराज आचार्य पोखरा महानगरपालिकाको मेयर पदमा निर्वाचित हुने पक्का भएको छ । करिब ५ हजार मत गन्न बाँकी हुँदा आचार्यले निकटतम प्रतिद्वन्द्वी नेकपा एमालेका कृष्ण थापाभन्दा ५ हजार २८६ मतको फराकिलो अग्रता बनाएसँगै मत गणना सकिन अघि नै आचार्यको जीत सुनिश्चित भएको हो ।

१ लाख ३८ हजार २११ मत गनिसक्दा मेयर आचार्यले ५६ हजार ४७१ मत ल्याएका छन् भने थापाले ५१ हजार १८५ मत ल्याएका छन् । पोखरामा कूल १ लाख ४३ हजार २२६ मत खसेको थियो । उपमेयरमा एमालेकी मञ्जुदेवी गुरुङले अग्रता कायम राखेकी छन् । उनले ५८ हजार ५८२ मत ल्याउँदा नेपाली काँग्रेसकी कोपिला रानाभाटले ५४ हजार ५४७ मत ल्याएकी छन् ।

सम्बन्धित विषय:

पोखरा महानगरपालिका

ताजा अपडेट

लोकप्रिय

पोखरा महानगरमा धनराज आचार्य निर्वाचित हुने पक्का, गन्न बाँकीभन्दा मतान्तर धेरै