सुनौलो नेपाल
काठमाडौं । काठमाडौं महानगरपालिकाका मेयर बालेन शाह मतगणना चलिरहेको बेला एमाले अध्यक्ष केपी शर्मा ओलीसँग भेटबार्ता गरेको खुलासा भएको छ । बालेन ओलीकै निवास बालकोट पुगेर भेटेको खुलासा भएको हो । भेटमा के के कुरा भयो भन्ने विवरण भने अहिलेसम्म दुवै पक्षले गोप्य राखेका छन् ।
बालेनको चुनावी टिमका सदस्य कुमार बेनले ओलीसँग भेट भएको पुष्टि गरेका छन् । बेनका अनुसार मतगणना सकिने अघिल्लो दिन बालेनसहितको समूह बालकोटमा पुगेको थियो । उनले भेटको विवरण चाँडै सार्वजनिक गर्ने जानकारी दिए ।
बालेनकै प्रस्तावमा यो भेटघाट भएको स्रोतको भनाइ छ । चुनावअघि पनि बालेन ओलीसँग भेट्न इच्छुक थिए । तर, तारतम्य मिलेको थिएन । बालकोटमा ओलीले सुरुमा बालेनको टिमसँग सामूहिक र त्यसपछि बालेनसँग एक्लै कुराकानी गरेको स्रोतले बतायो ।
समकालीन नेताहरुमा आफूलाई ओलीबाटै आशा भएको बालेनले बताएको पनि स्रोतको दावी छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
