सुनौलो नेपाल
काठमाडौं । काठमाडौं महानगरपालिकाका प्रमुख बालेन्द्र शाहले वडा नम्वर १६ का वडाध्यक्ष मुकुन्द रिजालसँग उनकै घरमा पुगेर भेटघाट गरेका छन् । रिजालको बालाजुस्थित घरमै भेट्न पुगेका प्रमुख शाहले फोहोर व्यवस्थापन र महानगरका काम–कारबाहीका विषयमा सुझाव मागेका थिए । उनले रिजालको कार्यशैलीबाट आफू प्रभावित भएको भन्दै निरन्तर सहयोगको अपेक्षा गरिएको बताए ।
कलाकार अर्जुन घिमिरे पाँडे सँगै रिजालको निवास पुगेका शाहले त्यहाँ झन्डै दुई घण्टा समय बिताए । ‘लन्च’सहितको सो ‘मिटिङ’मा वडाध्यक्ष रिजालले फोहोर व्यवस्थापनमा नगर प्रमुखको सक्रियताको समेत प्रशंसा गरे । वडाध्यक्ष रिजालले मेयरलाई सघाउन आफूले कुनै कसर बाँकी नराख्ने प्रतिबद्धता जनाए ।
“नगर प्रमुखज्यूसँग छलफल भएको हो, महानगरपालिकाकेन्द्रित छलफल भयो ।” रिजालले भने ।
भेटमा सहभागी पाँडेले भने जनप्रतिनिधिहरूसँग परामर्श गर्ने नीतिअनुसार आजको भेटघाट भएको बताए ।
रिजालले महानगरपालिकाको पहिलो कार्यपालिका बैठकमा प्रक्रियाको विषय सम्झाएका थिए । त्यसलगत्तै सामाजिक सञ्जालमा उनको आलोचना पनि भएको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
