काठमाडौं । अविरल वर्षापछि आएको पहिरोमा पुरिएर पाँचथरको फालेलुङ गाउँपाकिामा तीनजना बेपत्ता भएका छन्।
फालेलुङ गाउँपालिका–७ मा रहेको दलबहादुर मगरको घर पहिरोले पुरिँदा तीन जना बेपत्ता भएका हुन्।
दलबहादुरलाई भने स्थानीयले तत्कालै उद्वार गरेका थिए। शुुक्रबार राति १० बजे उनीहरुलाई पहिरोले पुरेको थियो। उद्वारका लागि स्थानीय र सुरक्षाकर्मीको टोली परिचालन भएको छ।
पहिरोले पुरेको स्थानमा दुई थान मोवाइल भेटिए पनि बेपत्ता मानिस नभेटिएको जिल्ला प्रहरी कार्यालय पाँचथरका प्रहरी नायव उपरीक्षक राकेश थापाले जानकारी दिए।