काठमाडौं । जनता समाजवादी पार्टी विभाजन गर्ने सहमति भएपछि दुई पक्षबीच नेता तथा कार्यकर्ता तानातान सुरु भएको छ। जसपाका डा बाबुराम भट्टराई र उपेन्द्र यादवबीच संयुक्त पार्टी सञ्चालन गर्न नसकिने र सहमतिमै पार्टी फोड्ने सहमति बनेपछि जसपाको बलियो शक्ति कसरी आफूमा अड्याउने भन्नेमा भट्टराई र यादव पक्षबिच रस्साकस्सी चलेको छ। यो कसरत लुम्बिनी प्रदेशमा पनि नेताहरूले थालेका छन् । तथापि यो प्रदेशमा भने उपेन्द्र यादवको समूह बलियो देखिने पक्कापक्की जस्तै भएको छ।

यो प्रदेशबाट जसपाका ३ जना कार्यकारिणी सदस्य छन् । यी तीनमध्ये एक जना । उपेन्द्र यादवको पक्षमा रहने देखिन्छ भने एक कार्यकारिणी सदस्य भट्टराईको पक्षमा जाने र अर्का अर्का एक भने अहिले अनिर्णीत रहेको जसपा स्रोत बताउँछ। मोहम्मद इस्तियाक राई उपेन्द्र यादवकै समूहमा छन् । त्यसो त, पूर्वमन्त्री समेत रहेका उनी यसअघि भने भट्टराई पक्षधर थिए। तर पछिल्लो समय उनी उपेन्द्रको समूहमा सामेल भैसकेका छन् । स्रोतका अनुसार मन्त्री फेरबदलका क्रममा आफ्नो पालो आउने देखिएपछि राई भट्टराईलाई छोडेर उपेन्द्र क्याम्पमा जोडिएका हुन् । राईको यो निर्णयले उपेन्द्र यादव समूहलाई प्रदेशमा बलियो बनाएको छ। आजको नागरिक दैनिकमा समाचार छ ।