सुनौलो नेपाल
काठमाडौं । चालु आर्थिक वर्षको बजेट निर्माणका क्रममा अनधिकृत व्यक्तिको प्रवेश भएको भनिएको विषयमा छानबिन गर्नका लागि गठन भएको संसदीय विशेष समितिले प्रतिवेदन लेखन थालनी गरेको छ । बिहीबार समितिले पाएको थप एक साताको म्याद सकिँदैछ ।
प्रतिवेदन तयार पारेर बिहीबार नै सभामुख अग्निप्रसाद सापकोटालाई बुझाउने तयारी समितिको छ । समितिका सचिव सुरेन्द्र अर्यालले उठेका विषयहरुको अनुसन्धान तथा सम्बन्धित व्यक्तिसँग बयान लिने काम सकिएसँगै प्रतिवेदन लेख्न थालिएको बताए ।
यस बीचमा समितिले निवर्तमान अर्थमन्त्री जनार्दन शर्मासँग करिब २ घण्टा बयान लिएको थियो भने सो क्रममा उनले बजेट निर्माणका क्रममा अनाधिकृत व्यक्तिको प्रवेश नभएको बताएका थिए । यस्तै समितिले अर्थमन्त्रालय सम्बद्ध कर्मचारीहरूसँग पनि बयान लिएको थियो । यस्तै सिसिटिभी फुटेजको अध्ययन गर्दा अनधिकृत व्यक्तिको प्रवेश पुष्टि हुन नसकेको समितिका अधिकारीहरु बताउँछन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
