सुनौलो नेपाल
काठमाडौं । झापा र बाराका विभिन्न स्थानबाट प्रहरीले लागुऔषध गाँजासहित पक्राउ र बरामद गरेको छ । झापाको मेचिनगर नगरपालिका–१४ दुवागढी बस्ने ५० वर्षीया जेगुन खातुनलाई करिब २ किलो ५ सय ग्राम अवैध लागुऔषध गाँजा सहित आइतबार बेलुकी प्रहरीले पक्राउ गरेको छ ।
विशेष सूचनाको आधारमा इलाका प्रहरी कार्यालय धुलाबारी र प्रहरी चौकी चारआलीबाट खटिएको प्रहरीले उनको घर तलासी गर्दा घरभित्र लुकाई राखिएको अवस्थामा उक्त गाँजा फेला पारी उनलाई पक्राउ गरेको हो ।
त्यस्तै, बाराको सिम्रौनगढ नगरपालिका–२ स्थित सडकबाट करिब ३५ किलोग्राम अवैध लागुऔषध गाँजा आइतबार साझ प्रहरीले बरामद गरेको छ ।
बीआर २२ एएल ५६६७ नम्बरको मोटरसाइकलमा उक्त गाँजा ल्याउँदै गरेको अवस्थामा ईलाका प्रहरी कार्यालय सिम्रौनगढबाट खटिएको प्रहरीलाई देख्नासाथ मोटरसाइकलमा सवार अपरिचित व्यक्तिले मोटरसाइकल र गाँजा सोही स्थानमा छोडेर फरार भएपछि प्रहरीले उक्त गाँजा बरामद गरेको हो ।
हाल फरार व्यक्तिको प्रहरीले खोजी गरिरहेको छ । यस सम्बन्धमा आवश्यक अनुसन्धान भइरहेको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
