सुनौलो नेपाल
काठमाडौं । नेकपा माओवादी केन्द्रका महासचिव देवप्रसाद गुरुङले नेपालमा विदेशी शक्ति सलबलाएको बताएका छन्। नेपालमा शान्ति र दिगो विकास नचाहने शक्ति सलबलाएको उनको भनाइ छ । लमजुङको मध्यनेपाल नगरपालिकास्थित जनचेतना पुस्तकालयको स्वर्ण महोत्सव उदघाटन गर्दै गुरुङले मुलुक इष्ट इण्डिया कम्पनी र नेपालबीचको युद्धपछिकै ठुलो संकटमा रहेको बताए ।
उनले अहिलेको संकट समाधानका लागि सबै दलहरु एकजुट हुनुपर्ने आवश्यकता औंल्याए । राष्ट्र र राष्ट्रियता रहेमात्र राजनीति गर्ने अवस्था आउने भन्दै गुरुङले पहिला राष्ट्र जोगाउन सबै राष्ट्रवादी शक्तिहरु एकजुट हुन आवश्यक रहेको दोहोर्याए । अहिलेको अवस्थामा सर्वदलीय सरकार निर्माण गरेर भएपनि समाधान खोजिनुपर्नेमा उनको जोड छ ।
लमजुङका जनताले आफूलाई राष्ट्रहितका लागि र विकासका लागि मत दिएको भन्दै उनले बाँचुन्जेल राष्ट्रहीत विपरीतका कुनैपनि काम नगर्ने र हुन नदिनेतर्फ लागिपर्ने प्रतिबद्धता जनाए । आगामी निर्वाचनबाट राष्ट्रिय स्वाधीनताको पक्षमा लड्ने पात्रहरु सदनमा पुगून् भन्ने आफ्नो चाहना रहेको पनि उनको भनाइ थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
