काठमाडौं । अख्तियार दुरुपयोग अनुसन्धान आयोगले आफ्नो ३२ औं स्थापना दिवसको उपलक्ष्यमा भ्रष्टाचार नियन्त्रण, सुशासन र सदाचारसम्बन्धी सचेतनामुलक राष्ट्रव्यापी लोकगीत प्रतियोगिता गरेको छ । आयोगले गरेको कार्यक्रममा विभिन्न चरणबाट छानिएका १५ समूहले आज अन्तिम प्रतिष्पर्धामा भाग लिएका हुन् ।

अख्तियार दुरुपयोग अनुसन्धान आयोगको ३२ औं स्थापना दिवस कार्यक्रमलाई सम्बोधन गर्दै आयोगका आयुक्त डा. हरि पौडेलले आयोगले भ्रष्टाचार न्युनकिरण सम्बन्धी सचेतनामुलक प्रतियोगिताका माध्यमबाट आम जनतालाई सचेत गराएको बताए । उनले भ्रष्टाचार नियन्त्रणका लागि बनेका कानूनको आवश्यक पालना र न्युनिकरणलाई ध्यानमा राखेर आम जनतामा सचेतना फैलाउन लोकदोहोरीमार्फत उजागर गरिएको बताए । उनले लोकदोहोरी सबै क्षेत्रमा सुनिने र आम मानिसले सहज रुपमा बुझ्ने भएकाले अख्तियारी सम्बन्धीका नीति नियमहरु गीतका माध्यमबाट प्रश्ततु गरिएको बताए ।

उनले भने, ‘भ्रष्टाचार आफैँमा एक जटिल विषय भएको हुनाले अख्तियार दुरुपयोग अनुसन्धान आयोग यसको न्युनिकरण सम्भव छैन, यसको न्युनिकरण र नियन्त्रणको लागि सबैको भुमिका महत्वपूर्ण हुन्छ, गीत, संगीतको भुमिका पनि त्यत्तिकै महत्वपूर्ण छ । भ्रष्टाचार जस्तो संवेदनशील विषयमा आयोगसँग सहजीकरण गरी भ्रष्टाचार न्युनिकरण गर्न र भ्रष्टाचारमुक्त र सदाचारयुक्त समाज निर्माण गर्नुपर्छ ।’

त्यस्तै कार्यक्रममा सञ्चार तथा सूचना प्रविधि मन्त्रालयका सचिव डा. वैकुण्ठ अर्यालले भ्रष्टाचार न्युनिकरणका लागि चालिएका आवश्यक कदमहरुलाई आम जनतामा सहज रुपमा बुझाउन यो कार्यक्रमले महत्वपूर्ण भुमिका खेल्ने बताए । उनले जनस्तरमा जनचेतना फैलाउनका लागि गीत, संगीत सहज र उत्कृष्ट माध्यम हुने भएकाले कानून सम्बन्धी जानकारी गीतबाट पाउन सकिने बताए ।

उनले भने, ‘हामीले भ्रष्टाचारसँग सम्बन्धित कानून बनायौँ, नीतिहरु छन्, प्रक्रिया छन्, यसलाई कसरी कार्यान्वयन गर्ने सबै छ, तर यो कुरा कार्यान्वयन गर्नेमा मात्रै सिमित छन्, यसलाई जनस्तरमा नै जनचेतना कसरी जनाउने भन्ने सोचिएको छैन, यसलाई लोक दोहोरीको माध्यमबाट जनमानसमा चेतना फैल्याउन यो काम भएको छ । संगीतहरु श्रुतिमाधुर्य हुन्छन्, भाषा नै हुँदैनन् कतिपय संगीतका । यो लोकगीत, हाम्रा दस्ताबेजहरुले आमस्तरमा बुझाउने काम गर्दछ ।’

सो अवसरमा प्रतियोगी कलाकारहरुले अख्तियारसम्बन्धी सचेतनामुलक गीत गाएर सुनाएका थिए । समाज परिवर्तनका लागि आवश्यक नीति, नियम, कानूनको बारेमा जानकारी दिने उद्देश्यले आयोजना गरिएको प्रतियोगितामा कलाकारहरुले आफ्ना आफ्ना गीतहरु प्रश्तुत गरेका थिए ।

राष्ट्रव्यापी लोकगीत प्रतियोगितामार्फत भ्रष्टाचारबिरुद्ध सचेतना र भ्रष्टाचार न्युनिकरणको अभियानलाई जनस्तरसम्म पु¥याउने लोकभाकाहरु गीतमा प्रश्तुत थिए ।