कोशी प्रदेश नामाकरणविरुद्धको आन्दोलनमा मृत्यु भएको घटनाको छानबिन गर्न सरकारले समिति गठन गर्ने

सुनौलो नेपाल
शनिबार, ११ चैत्र २०७९

काठमाडौं । कोशी प्रदेश नामाकरण विवादपछि चैत ५ गते भएको घटनाको छानबिन गर्न सरकारले समिति गठन गर्ने भएको छ । प्रधानमन्त्री पुष्पकमल दाहाल ‘प्रचण्ड’को आह्वानमा प्रधानमन्त्री निवास बालुवाटारमा भएको छलफलपछि सरकारले छानबिन समिति गठन गर्ने निर्णय गरेको हो ।

कोशी प्रदेश नामाकरण विवादपछि देखिएको घटनाक्रमप्रति सरकार गम्भीर रहेको र चैत ५ गते भएको घटनाका सम्बन्धमा गृहमन्त्रालयले समिति गठन गरी तत्काल छानबिन अघि बढाउने सञ्चार तथा सूचना प्रविधि मन्त्री एवं नेपाल सरकारका प्रवक्ता रेखा शर्माले जानकारी दिइन् ।

चैत ५ गते विराटनगरमा नामाकरणको विषयमा भएको आन्दोलनका क्रममा प्रहरीको लाठी प्रहारबाट ४२ वर्षीय पदमबहादुर लिम्बुको मृत्यु भएको थियो ।

सम्बन्धित विषय:

कोशी प्रदेश

ताजा अपडेट

लोकप्रिय

कोशी प्रदेश नामाकरणविरुद्धको आन्दोलनमा मृत्यु भएको घटनाको छानबिन गर्न सरकारले समिति गठन गर्ने