सुनौलो नेपाल
तनहुँ । तनहुँमा ट्रक घरमा ठोक्किँदा ३ जनाको ज्यान गएको छ भने ५ जना घाइते भएका छन् । आज बुधबार बिहान जिल्ला तनहुँ बन्दिपुर गाउँपालिका वडा नं. ५ आधिखोलास्थित पृथ्विराजमार्ग सडक खण्डमा डुम्रे तर्फबाट मुग्लिनतर्फ जाँदै गरेको ना ४ ख १९७३ नं.को ट्रक अनियन्त्रित भई सडकको छेउमा रहेको सुनमाया भुजेल र सनबहादुर भुजेलको एक घरमा ठोक्किएको थियो ।
जिल्ला प्रहरी कार्यालय तनहुँका प्रहरी नायव उपरीक्षक मोहनबहादुर खाँणले दुर्घटनामा ८ जना घाइते भएका सबैलाई उपचारको लागि चितवन स्थित पुरानो मेडिकल कलेज भरतपुर पुर्याइएकोमा ३ जनाको उपचारको क्रममा अस्पतालमा मृत्यु भएको जानकारी दिए ।
मृत्यु हुनेमा तनहुँ बन्दिपुर गाउँपालिका वडा नं. १ बस्ने वर्ष १२ को आयुस भुजेल, वर्ष ५० को चेतबहादुर घर्ती र अन्दाजी ६९ वर्षका सनबहादुर भुजेल रहेका बताइएको छ ।
५ जना घाइतेको पुरानो मेडिकल कलेज भरतपुरमा उपचार भइरहेको तनहुँ प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
