सुनौलो नेपाल
काठमाडौँ । काभा महिला भलिबल च्यालेन्ज कपमा आज (बुधबार) आयोजक नेपाल र भारत भिड्दै छन्। घरेलु मैदानमा जारी खेल आज त्रिपुरेश्वरस्थित राष्ट्रिय खेलकुद परिषद्को कर्भडहलमा दिउँसो ३ बजे सुरु हुनेछ।
यसअघि नै सेमिफाइनलमा पुगिसकेका नेपाल र भारतबीचको खेलले समूह विजेताको टुंगो लाग्नेछ।
समूह ए मा रहेका नेपाल र भारतले लगातार दोस्रो जित निकाल्दै एक खेलअगावै अन्तिम चारमा स्थान बनाइसकेका छन्।
नेपाल आजको खेलमा उपाधि दाबेदार भारतलाई हराउँदै समूह विजेताका रुपमा अन्तिम चारमा स्थान बनाउन चाहन्छ। नेपालले भारतलाई आजसम्म हराउन सकेको छैन। यसअघि घरेलु मैदानमा भएको १३औं दक्षिण एसियाली खेलकुद सागको फाइनलमा नेपालले भारतलाई एक सेटमा हराएको थियो। त्यो नै नेपालको अहिलेसम्मको ठूलो उपलब्धि हो।
आजै हुने अन्य खेलमा समूह एको अन्तिम खेलमा बंगलादेश र किर्गिस्तान प्रतिस्पर्धा गर्नेछन्। समूह बीका उज्वेकिस्तान र काजकिस्तान तथा श्रीलंका र मालदिभ्स खेल्नेछन्।
आजको खेलबाट समूह विजेता र उपविजेताको टुंगो लाग्नेछ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
