सुनौलो नेपाल
पोखरा । सरकारका अर्थमन्त्री एवं नेपाली कांग्रेसका प्रवक्ता डा. प्रकाशशरण महतले सत्ता गठबन्धन फेरिने कुरा हल्ला मात्रै भएको बताएका छन् ।
प्रेस युनियन कास्कीको पत्रकार भेटघाट कार्यक्रममा अर्थमन्त्री महतले दलहरूसँग छलफल गर्नु सामान्य भएको बताउँदै वर्तमान गठबन्धन अहिले नै फेरिने कुरा साँचो नभएको बताएका हुन् ।
उनले भने, ‘सबै अफवाह हो । भ्रम हो । संसद्मा सबै दलसँग छलफल त हुन्छ, छलफल हुँदैमा सत्ता गठबन्धन फेरिने होइन,’ उनले भने, ‘अहिले चलेको हल्ला मात्र हो । सत्यता छैन । हामी निश्चित लक्ष्य लिएर चलेका छौँ ।’ वर्तमान गठबन्धन परिवर्तन नहुने दाबी समेत गरे ।
तर पुँजीगत बजेट साँघुरिँदै गएकोमा भने उनले चिन्ता व्यक्त गरे। ‘पुँजीगत बजेट कम छ । त्यो पनि खर्च नहुँदा हालत के हुन्छ ?,’ महतले भने ।
महतले नयाँ बजेटले देशको अर्थतन्त्रलाई नयाँ उचाइमा पुगाउने विश्वास राख्दै उनले बजेट बाँड्ने कुरामा लोकप्रिय नदेखिएपछि लक्ष्य लोकप्रिय भएको दाबी गरे ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
