सुनौलो नेपाल
एजेन्सी। नेदरल्याण्डका प्रधानमन्त्री मार्क रुटेले आफ्नो मन्त्रिपरिषद्सहित राजीनामा दिएका छन् । तीन दिनसम्म लगातार चलेको वार्तापछि पनि सरकारका चार गठबन्धन साझेदार आप्रवासीको सङ्ख्या रोक्न चाल्ने कदमबारे सहमति जुट्न सकेन् ।
प्रधानमन्त्री मार्क रुटेले आप्रवासी नीतिमा सहमति जुटाउन नसक्दा नेदरल्यान्ड्स सरकार ढलेको बताएका छन् । उनले आगामी निर्वाचनसम्म गठबन्धनले कामचलाउ सरकार चलाउने जानकारी दिए ।
मार्क रुटेको नेतृत्वमा डेढ वर्षअघि सरकार बनेको थियो । तर आप्रवासी नीतिको विषयमा गठबन्धनका साझेदारहरूबीच विमति देखिएको थियो। स्थानीय सञ्चारमाध्यमका अनुसार नेदरल्यान्ड्समा यसै वर्ष नोभेम्बरमा चुनाव हुनसक्छ ।
मार्क रुटेको भीभीडी पार्टी नेदरल्याण्डमा शरण खोज्नेहरूको संख्या सीमित गर्न चाहन्छ। तर, गठबन्धनका अन्य दलले उनको योजनाको समर्थन गर्दैनन् ।
गत वर्ष नेदरल्याण्डमा ४७ हजार मानिसले आप्रवासनका लागि आवेदन दिएका थिए । यो वर्ष ७० हजारसम्म आवेदन आउन सक्ने सरकारको आकलन छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
