सुनौलो नेपाल
मकवानपुर । मकवानपुरमा एक सय किलो गाँजासहित एक जनालाई नियन्त्रणमा लिइएको छ ।
जिल्ला प्रहरी कार्यालयका डिएसपी टेक कार्कीले आज (आइतबार) बिहान साढे २ बजे हेटौंडा उपमहानगरपालिका–४ कर्रास्थित सडकबाट एक सय किलो ६०० ग्राम गाँजासहित एक जनालाई पक्राउ गरिएको जानकारी दिए।
प्रहरीले गोरखा पालुङटार नगरपालिका–३ का ३७ वर्षीय दुर्गा दर्जीलाई पक्राउ गरेको हो ।
अस्थायी पोष्ट थानाभञ्ज्याङबाट विशेष सूचनाको आधारमा खटिएको प्रहरीको टोलीले हेटौंडाबाट पथलैया जाँदै गरेको बागमती प्रदेश ०३–००१ च १६८८ नं. को बोलेरो पिकअप गाडी प्रहरीले खानतलासी गरेको थियो ।
उक्त गाडी पछाडि बोराभित्र लुकाई छिकाई ल्याइएको अवस्थामा गाँजा भेटिएको हो । गाँजा फेला परेपछि प्रहरीले दर्जीलाई नियन्त्रणमा लिइएको हो ।
यस सम्बन्धी थप अनुसन्धान अघि बढाइएको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
