नेपाल एयरलाइन्सको जहाज मलेसियामा डिले भएपछि गठन गरियाे छानबिन समिति

सुनौलो नेपाल
मंगलबार, २ साउन २०८०

काठमाडौं ।क्वालालाम्पुर–भैरहवा–काठमाडौं उडानका दौरान मलेसियामा नेपाल एयरलाइन्सको उडान डिले भएको विषयमा छानबिन गर्न समिति बनाइएको छ ।

निगमको आरए ४२२ उडान भर्नु अगाडी ९एन–एकेडब्यू जहाजको क्रू अक्सिजन बोतलको प्रेसर कम भएको र त्यसको जोहो हुन नसक्दा उडान रोकिन पुगेको थियो ।

अहिले यसको व्यवस्था भइसकेको र जहाज उड्ने क्रममा रहेको निगमले जनाएको छ ।

के–कस्तो प्राविधिक कारणले यो समस्या आएको हो र भविष्यमा यो समस्या दोहोरिन नदिन के गर्नुपर्छ भन्ने विषयमा सुझाव दिनका लागि निगमले एक छानबिन समिति गठन गरी कारबाही प्रक्रिया अघि बढाएको बताइएको छ ।

कम्पनीले उडानमा ढिलाई भएकोप्रति यात्रुसँग क्षमा माग्दै आगामी दिनमा यस्तो हुन नदिने प्रतिबद्धता जनाएको छ ।

सम्बन्धित विषय:

नेपाल एयरलाइन्स

ताजा अपडेट

लोकप्रिय

नेपाल एयरलाइन्सको जहाज मलेसियामा डिले भएपछि गठन गरियाे छानबिन समिति