काठमाडौं । नेपाली काँग्रेसका नेता दिलेन्द्रप्रसाद बडूले पार्टीको केन्द्रीय समिति बैठकमा महामन्त्री गगनकुमार थापाले प्रश्तुत गरेका कार्यक्रमको कार्यान्वयन हुनुपर्ने बताएका छन् ।

मंगलवार काठमाडौंमा आयोजित चियापान समारोहलाई सम्बोधन गर्दै उनले यस्तो बताएका हुन् । उनले केन्द्रीय समितिका एजेण्डा सही र व्यवस्थित रहेको बताए ।

उनले महामन्त्रीले प्रश्तुत गरेका कार्यतालिका र कार्यक्रमहरु संस्थाको कार्यक्रम मानेर कार्यान्वयनका लागि एकजुट हुनुपर्ने बताए । उनले महामन्त्री थापाले प्रश्तुत गरेको कार्यक्रम कार्यान्वयन भए पार्टी राम्रोसँग अघि बढ्ने बताए ।

उनले भने, ‘केन्द्रिय समितिका एजेण्डा सही छन्, व्यवस्थित रुपमा आएको छ । सबै एजेण्डामा सबैले आफ्ना विचार राख्नसक्ने समय भएन । त्यो भएको भए सबै एजेण्डामा सबैको विचार आउँथ्यो । समय सिमित भयो, लाइभ गर्नेकुरा नयाँ भयो, लाइभ गर्ने कुरा गलत भयो भन्न मिल्दैन, कुनै केन्द्रिय सदस्यले एजेण्डामा आफ्ना विचार व्यवस्थित ढंगले राख्ने वातावरण बन्यो । केन्द्रिय समितिमा कार्यतालिका र कार्यक्रम आएको छ महामन्त्रीमार्फत यो सबैको एजेण्डा र कार्यक्रम हो । संस्थागत कार्यक्रम हो । यसको कार्यान्वयनको लागि पार्टीको संस्थागत र एकतावद्ध ढंगले जुट्नुपर्छ, यो अहिलेको आवश्यकता हो । यसले पार्टीमा नयाँ जीवन दिन्छ । यो अब महमन्त्रीको कार्ययोजना नभइ संस्थाको रुपमा लिनुपर्छ । यसरी गए पार्टी निश्चित रुपमा अघि बढ्छ । पार्टीभित्र हाम्रो एकता छ, एकतावद्ध ढंगले जान्छौँ ।’

नेता बडूले केन्द्रीय समितिको बैठकमा सबै एजेण्डामा धारणा राख्नलाई समय पर्याप्त हुन नसकेको गुनासो गरे ।