सुनौलो नेपाल
भिल्लारियाल । सात गोलको थ्रिलरमा साबिक विजेता बार्सिलोनाले भिल्लारियाललाई हराउँदै सिजनमा आफ्नो अपराजित यात्रालाई कायम राखेको छ । आइतबार साँझ भएको खेलमा बार्सा ४–३ गोलले विजयी बनेको हो ।
खेल सुरु भएको १५ मिनेटभित्र बार्सिलोनाले २–० को अग्रता लिएको थियो । गाभी र फ्रांकी डी योङले गोल गर्दै टोलीलाई उत्कृष्ट सुरुवात दिलाएका थिए । तर, त्यसपछि घरेलु टोली भिल्लारियाल खेलमा फर्कियो ।
५० औँ मिनेटभित्र तीन गोल फर्काउँदै टोलीले खेल ३–२ को स्थितिमा ल्यायो । भिल्लारियलका लागि हुवान फोयथ, अलेक्सान्डर सोरलोथ र एलेक्स बायेनाले एक–एक गोल गरे ।
तर, टोलीको अग्रता लामो समय टिकेन । ६८ औँ मिनेटमा फेरान टोरेसले बार्साका लागि बराबरी गोल फर्काए भने रोबर्टो लेवान्डोस्कीले तीन मिनेटपछि चौथो गोल गर्दै टोलीलाई जीत दिलाए ।
तीन खेलपछि ७ अङ्क बटुल्दै बार्सा लिगको तेस्रो स्थानमा उक्लिएको छ । भिल्लारियाल ३ अङ्कसहित लिगको १३ औँ स्थानमा सीमित रहेको छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
