काठमाडौँ । मंगलबार शेयर बजार परिसूचक (नेप्से) दोहोरो अंकले बढेको छ । आज नेप्से १६.२४ अङ्कले बढेर १९८५.४३ अङ्कमा कायम भएको हो ।

नेप्सेका अनुसार २७२ कम्पनीको ४३ लाख ३६ हजार ५८३ कित्ता शेयर ५० हजार २९६ पटक खरिदबिक्री हुँदा १ अर्ब १७ करोड ६६ लाख ८० हजार ७५७ बराबरको कारोबार भएको छ ।

होटल तथा पर्यटन र व्यापार समूहको उपसूचक घटेको छ भने अरु सबै समूहको उपसूचक बढेको छ । होटल समूहको उपसूचक ०।०९ र व्यापार समूह ०।९३ प्रतिशतले घटेको छ ।

सबैभन्दा धेरै जलविद्युत् समूहको उपसूचक ३.२१ प्रतिशतले बढेको छ । बैंकिङ ०.३२ प्रतिशत, विकास बैंक १.४८, वित्त १.९५ र लगानी समूहको उपसूचक ०.७८ प्रतिशतले बढेको छ ।

त्यस्तै, जीवन बीमा ०.३७, उत्पादन तथा प्रशोधन ०.७४, लघुवित्त ०.५१, म्युचुअल फन्ड ०.११, निर्जीवन बीमा ०.७६ र अन्य समूह ०.११ प्रतिशतले बढेको छ ।

शुभम् पावर लिमिटेडको शेयर मूल्यमा आज सकारात्मक सर्किट लागेको छ भने थ्री स्टार हाइड्रोपावर लिमिटेडको शेयर मूल्य ९.९९ प्रतिशतले बढेको छ । शेयर मूल्य धेरै घट्ने कम्पनीमा इमर्जिङ नेपाल लिमिटेड छ । कम्पनीको शेयर मूल्य ८ प्रतिशतले घटेको छ ।

कारोबार रकम र कारोकार भएका शेयर सङ्ख्याका आधारमा आज सबैभन्दा धेरै रिलायबल नेपाल लाइफ इन्स्योरेन्स लिमिटेडको १० करोड ६४ लाख ४३ हजार ६९१ बराबरको २ लाख २० हजार ५६ कित्ता शेयर किनबेच भएको छ ।