चैत्र १० काठमाडौँ : कोभिड-१९ कोरोना भाइरस संक्रमणविरुद्ध सरकारले स्थापना गरेको केन्द्रीय कोषमा प्रतिनिधि सभा सदस्य डा सुर्य पाठकले एक महिनाको तलव दिने घोषणा गरेका छन्।

बाग्लुङ क्षेत्र नम्बर १ बाट प्रतिनिधि सभा सदस्यमा निर्वाचित उनले चैत्र ९ गतेको मन्त्री परिषद बैठकको निर्णयलाई स्वागत गर्दै आफ्नो एक महिनाको तलव दिने घोषणा गरेका हुन्।

९ गतेको मन्त्री परिषद बैठकमा सबै मन्त्रीहरुले १/१ महिनाको पारिश्रमिक दिने निर्णय गर्दै अन्य कोही सहयोगीहरुले सहयोग गर्न चाहेमा पनि रकम जम्मा गर्न सकिने निर्णय गरीएको थियो।

कोभिड-१९ कोरोना भाइरस संक्रमणविरुद्ध सरकारले स्थापना गरेको कोषमा जम्मा रकम कोरोना संक्रमितको उपचार, संरचना तयार लगायतमा खर्च गरिने छ ।

मन्त्री परिषद बैठकको निर्णय अनुसार कोषमा अहिले बिभिन्न ब्याक्तिहरुले आफ्नो इच्छा अनुसारको रकम सहयोग गर्ने क्रम बढ्न थालेको छ । आज मात्र प्रधानमन्त्री केपी शर्मा ओलीको सचिवालयका ६ जनाले एक महिनाको पारिश्रमिक दिने घोषणा गरेका छन् भने अन्य तीन जनाले भने आधा महिनाको तलव जम्मा गर्ने बताएका छन् ।