जिल्ला प्रहरी कार्यालय पर्साका प्रहरी प्रवक्ता डीएसपी वीरेन्द्र शाहीले मस्जिदमा रहेका भारतीय नागरिक र केही नेपालीसमेत गरेर २६ जनालाई क्वारेन्टाइनमा राखिएको जानकारी दिए। वीरगञ्जस्थ्ति सिद्धार्थ माविमा उनीहरुलाई राखिएको छ। “भारतीय जमाति कहाँबाट कहिले देखि आएका हुन भन्ने विषयमा हामीले अनुसन्धान गरिरहेका छौं”, उनले भने, “तीनजनालाई आइसोलेसनमा राखिएपछि यहाँ सतर्कता अपनाइएको छ।”

उक्त मस्जिदमा बसिरहेका ती जमाति सप्तरीमा आयोजित मुस्लिम धार्मिक सभामा सहभागी हुन आएको र यही बसिरहेको बताइएको छ। तर स्थानीयले भने उनीहरु मस्जिदमा आएर बसेको दुईसाता मात्रै भएको बताएका छन्। तीनजनालाई कोरोना संक्रमणको आशंकामा अस्पताल भर्ना गरिएपछि नारायणी क्षेत्रीय अस्पतालले इमर्जेन्सी बाहेकका अन्य सेवाहरु बन्द गरेको छ।