काठमाडौं । लोकप्रिय नेपाली मदिरा ‘खुकुरी रम’ तथा न्यूड भोड्काको उत्पादक ‘दि नेपाल डिस्टीलरिज’ले काठमाडौं महानगरपालिकाको वडा नम्बर १६ को बालाजुस्थित केही सडक क्षेत्रमा पोल तथा सडकबत्ती जडानमा सहयोग गरेको छ ।

कम्पनीले आफ्नो संस्थागत सामाजिक उत्तरदायीत्व अन्तर्गत फागुनमा बालाजुस्थित जागृति मार्गमा २३ सडक बत्ती र ९ पोल, बुद्ध टोलमा २३ सडक बत्ती तथा नागार्जुन क्लब, बोहोराटारमा २६ बत्ती र १ पोल जडान गरिदिएको हो ।

सडकबत्तीको व्यवस्था भएसँगै बालाजु सडक क्षेत्र उज्यालो भएको छ । व्यवस्थित सडकबत्तीले सो
क्षेत्रकोसौन्दर्य र सुरक्षामा समेत अभिवृद्धि गर्ने कम्पनीको विश्वास छ। स्थानीय समुदाय यस पहलबाट धेरै लाभान्वित भएकोसमेत विश्वास गरिएको छ ।

खुकुरी रमको उत्पादक दि नेपाल डिस्टीलरिजका महाप्रबन्धक सुभाष लामिछानेले यो कार्यले कम्पनी र स्थानीयबीच सम्बन्ध प्रगाढ बनाउन महत्वपूर्ण भूमिका खेल्ने विश्वास व्यक्त गरे । उनले भने, ‘सामुदायिक प्रतिनिधिको हैसियतमा बालाजु सडक क्षेत्रमा हाम्रो सहयोगमा पोलसहितका सडकबत्ती जडान भएको देखेर हामी खुशी छौं । यस पहलले निःसन्देह यस क्षेत्रकोसौन्दर्य र सुरक्षा बढाउनेछ । हामीलाई विश्वास छ कि यसले हाम्रो उद्योग समेत रहेको क्षेत्रका बासिन्दाका लागि थप जीवन्त र स्वागतयोग्य वातावरण सिर्जना गर्नेछ। हामी यसको सकारात्मक प्रभावको अपेक्षा पनि गर्दछौं ।’

नेपाल डिस्टिलरिज प्राइभेट लिमिटेडको बारेमा नेपाल डिस्टिलरिज प्राइभेट लिमिटेड सन् १९५९ मा स्थापित पहिलो नेपाली डिस्टिलरी हो । आइएसओ ९००१ : २०१५ प्रमाणित कम्पनीले नेपालमा विश्वभर सर्वाधिक रूचाइने खुकुरी रम उत्पादन गर्दछ ।

यसबाहेक न्यूड भोड्का, कर्द, एरिस्टोक्र्याट लगायतका स्पिरिट पनि उत्पादन गर्दै आएको छ । खुकुरी रम स्वदेशमा नेपालभर उपलब्ध छ भने जापान, दक्षिण कोरिया, हङकङ, इटाली, संयुक्त राज्य अमेरिका र दुबई लगायतका विदेशमा निर्यात गरिन्छ । दशकौंदेखि नेपाल डिस्टिलरिज प्रा.लि.ले आफ्नो शिल्प कौशल र गुणस्तर प्रतिको समर्पणका साथै नेपालको सारलाई मूर्त रूप दिने स्पिरिट तथा पेय पद्धार्थहरू उत्पादन गर्दै धेरै अन्तर्राष्ट्रिय अवार्डहरूसमेत प्रशंसा प्राप्त गरेको छ।