वेस्ट बैंकमा इजरायली सेनाको गोली लागेर ७ जनाको मृत्यु

सुनौलो नेपाल
बुधबार, ९ जेष्ठ २०८१

एजेन्सी । उत्तरी वेस्ट बैंकको प्यालेस्टिनी शहर जेनिनमा इजरायली सेनाले गरेको आक्रमणमा सात जनाको मृत्यु भएको छ । नौ जना घाइते भएको प्यालेस्टिनी स्वास्थ्य मन्त्रालयले जनाएको छ ।

इजरायली सेनाले जेनिन शहर र यसको शिविरमा आक्रमण गरेको थियो । जसले जेनिन शिविर वरपर केन्द्रित टकरावको प्रकोप निम्त्याएको छ ।

प्यालेस्टिनी आधिकारिक समाचार एजेन्सी वाफाका अनुसार मृत्यु हुनेमा जेनिन अस्पतालका शल्य चिकित्सा विशेषज्ञ असिद जबरीन, शिक्षक अल्लाम जरादत र घर फर्कने क्रममा एक विद्यार्थी थिए ।

सन् २०२३ को अक्टोबरमा प्यालेस्टिनी–इजरायली द्वन्द्व शुरु भएदेखि वेस्ट बैंकमा मृत्यु हुनेको संख्या ५१३ पुगेको बताइएको छ । इजरायलको रक्षा बलले वेस्ट बैंकको जेनिन सहरमा आतंकवाद विरोधी अभियान शुरु गरेको जनाएको छ ।