विश्वमा कोरोना सङ्क्रमणबाट ज्यान गुमाउनेको सङ्ख्या ३ लाख १० हजार नाघेको छ भने सङ्क्रमित भएकाको सङ्ख्या ४६ लाख  भन्दा धेरै रहेका छन।

जोन हप्किन्स विश्वविद्यालयका अनुसार अमेरिकामा मात्रै ८८ हजारले ज्यान गुमाएका छन् । साढे चौध लाखभन्दा धेरै व्यक्ति अमेरिकामा कोरोना भाइरसबाट सङ्क्रमित भएका छन।

यसै क्रममा अमेरिकी राष्ट्रपति डोनाल्डले ट्रम्प पुनः चीनप्रति आक्रोश पोखेका छन् । ट्वीट गर्दै ट्रम्पले भनेका छन्– ‘आखिर के कारण हो कि हामीभन्दा धेरै जनसङ्ख्या भएर पनि चीनले विश्व स्वास्थ्य सङ्गठन, संयुक्त राष्ट्रसंघ र विश्व व्यापार सङ्गठनमा निकै कम डलर प्रदान गर्छ ? जबकि कथित तवरमा उ ‘विकाससील मुलुक’ हो ।’

उता इटालीले लकडाउन खुकुल्याउनुका साथै आगामी ३ जुनदेखि यात्रा प्रतिबन्ध हटाउने घोषणा गरेको छ । प्रधानमन्त्री जुजेप्पे कान्टेले सम्भावित खतराको आँकलन गरेर नै यस्तो नीति अघि सारिएको बताएका छन् । उनले यही मे महिनाको २५ तारिखदेखि स्पोर्टस् सेन्टर, स्विमिङ पुल, जिमखाना र १५ मे देखि नै सिनेमाघर तथा थियटरहरू सञ्चालन गरिने घोषणा गरेका छन् । ४ मे देखि नै इटालीमा फ्याक्ट्रीहरू खुल्ला गरिएका छन् ।