संसदीय समितिको कार्यादेश टुङ्गो लगाउन गठित कार्यदलको बैठक सुरु

सुनौलो नेपाल
मंगलबार, १५ जेष्ठ २०८१

काठमाडौँ । सहकारीको रकम अपचलन भएको विषयमा छानबिन गर्न बनाउने संसदीय समितिको कार्यादेश (टीओआर) मा सहमति जुटाउन कार्यदलको बैठक सुरु भएको छ ।

सहकारीको रकम हिनामिना र अपचलनको छानबिन गर्ने संसदीय समितिको कार्यादेश टुङ्गो लगाउन गठित कार्यदलको बैठक सिंहदरवारस्थित कानुन, न्याय तथा संसदीय मामिला मन्त्रालयमा सुरु भएको हाे ।

बैठकले कार्यदेशको मस्यौदालाई अन्तिम रूप दिनेछ । त्यसपछि आजै बस्ने प्रतिनिधिसभाको बैठकबाट समितिको घोषणा हुनेछ ।

सहकारीको रकम हिनामिनामा उपप्रधान तथा गृहमन्त्री रवि लामिछाने समेत जोडिएको भन्दै कांग्रेसले छानबिन समिति गठनको माग गरेर लामो समयदेखि संसद् बैठक अवरोध गर्दै आएको थियो ।

कांग्रेस प्रमुख सचेतक रमेश लेखकले सहमति भएको भन्दै संसद् बैठकले समितिलाई अनुमोदन गर्ने बताए ।

सम्बन्धित विषय:

संसदीय समिति सहकारी

ताजा अपडेट

लोकप्रिय

संसदीय समितिको कार्यादेश टुङ्गो लगाउन गठित कार्यदलको बैठक सुरु