धादिङ जिल्लामा नयाँ कोरोना संक्रमित पुष्टी भएपछी जिल्लाको थाक्रे गाऊँपालिकाको पूर्बमा धार्केखोला पुल, पश्चिममा आठकिला मोड, उत्तरमा महेशखोला र दक्षिणमा ऊडुवादेबी आवासिय माध्यामिक बिध्यालय भित्रको क्षेत्रलाई सिल गरेको छ।

सिल गर्नु अगाडी मँगलबार बिहान प्रमुख जिल्ला अधिकारी अस्मान तामाङको अध्यक्षतामा बसेको जिल्ला सुरक्षा समितिको बैठक बसेको थियो । बैठकले आगामी जेठ ११ गते राती १२ बजे सम्म सँक्रमक रोग ऐन २०२० को दफा २ र स्थानिय प्रशासन ऐन २०२८ को दफा ६ उपदफा २ बमोजिम निषेधाज्ञा जारी गर्ने निर्णय गरेको हो । बैठकले उल्लेखित चार किल्ला क्षेत्र भित्र पुर्ण शिलबन्दी गर्ने, पुर्णरुपमा आवतजावत बन्द गर्ने, नेपाल प्रहरी र शसस्त्र प्रहरी बल नेपालले सुरक्षा व्यवस्था मिलाउने र आवश्यकता अनुसार नेपाली सेनाले भेईकल पेट्रोल गर्ने लगायतका निर्णय गरेको गाउँपालिका अध्यक्ष राजकुमार  आचार्यले सुनौलो नेपाललाई बताउनुभयो ।

बैठकले सँक्रमित व्यक्तिको सम्पर्कमा आएका व्यक्तिहरुको क्लोज मनिटरिङ गर्ने, कन्ट्याक्ट ट्रेसिङ गर्ने र क्वारेन्टाईनको व्यवस्था गर्ने लगायतका निर्णय सँगै एम्बुलेन्सलाई कोभिड प्रतिकार्यका लागि २४ घण्टा अवस्थामा राख्ने निर्णय भएको थाक्रे गाउँपालिकाले जनाएको छ ।