काठमाडौँ । चितवनमा सुनचाँदी पसलमा लुटपाट भएको छ । कालिका नगरपालिका–६ खोलेसिमल बजारमा रहेको एक सुनचाँदी पसलमा लुटपाट भएको हो ।
जिल्ला प्रहरी कार्यालय चितवनका अनुसार शनिबार राति पौने नौ बजेतिर विनोद सुनारको सुनचाँदी पसलमा लुटपाट भएको हो ।
प्रहरीका अनुसार करिब ३ केजी सुन, ३५ केजी चाँदी र २ लाख नगद लुटपाट भएको छ ।
दुईजना व्यक्तिले पेस्तोल जस्तो वस्तु देखाएर सुनचाँदी र नगद लुटेर भागेको प्रहरीले जनाएको छ ।
लुटपाट गर्नेहरुले पसलमा रहेको सीसीटीभीको हार्डडिस्क पनि लगेका छन् ।
प्रहरीले लुटपाटमा संलग्न भएको भन्दै ४ जनालाई नियन्त्रणमा लिएर अनुसन्धान गरिरहेको छ ।