सनत हमाल
मुगु । मुगुमा राष्ट्रिय खोप कार्यक्रम अन्तर्गत पोलियो रोग विरुद्धको आईपिभी खोप अभियान सञ्चालन भएपनि जिल्ला भरी करिब १ हजार ९४३ बालबलिका उक्त खोप बाट बञ्चीत भएका छन ।

गत जेठ १३ गतेबाट जेठ १६ गते सम्म सञ्चालन भएको उक्त खोप अभियानमा जिल्ला भरि ४ हजार ७४३ बालबालिका लाई खोप लक्षित गरिएको भएपनि २ हजार ८ सय बालबालिकालाई खोप लगाएको र खोप अपुग हुँदा १ हजार ९४३ बालबालिका खोप बाट बञ्चीत भएका जिल्ला अस्पताल मुगुका सूचना अधिकारी पर्शराम नेपालीले बताए ।

उनले भने, “खोप अपुग हुँदा हजारौँ बालबालिका खोपबाट बञ्चीत भएका छन्, हामीले प्रदेश स्वास्थ्य सेवा निर्देशनालय बिरेन्द्रनगर सुर्खेतमा प्रगति बिवरण पेस गरिएको र नपुगेको खोप समेत पठाउन पत्रचार समेत गरेका छौँ, थप खोप आउछ होला ।”

उक्त खोपले प्राकृतिक पोलियो भाइरस (Wild Polio Virus) र ओपिभी खोपबाट उत्पन्न भएको पोलियो भाइरस Vaccine Derived Polio Virus) बाट हुने पोलियोमाईलाईटिस् हुनबाट सुरक्षित गर्दछ ।

आईपिभी खोप लगाउन छुटेका बालबालिकाहरुलाई एक मात्रा आईपिभी खोप लगाएर तिनीहरुलाई पोलियो रोगबाट सुरक्षित गराउन यो खोप अभियान सञ्चालन गरिएको हो ।