काठमाडौं । निजी क्षेत्रबाट सञ्चालित नर्भिक इन्टरनेसनल हस्पिटल एन्ड मेडिकल कलेज लिमिटेडको व्यापार ७ प्रतिशत बढेको छ । गत वर्ष नर्भिक इन्टरनेसनलले १ अर्ब ९४ करोड रुपैयाँ कारोबार गरेको छ । २०२२ मा नर्भिकले १ अर्ब ८१ करोड ३० लाख रुपैयाँ व्यापार गरेको थियो ।

अस्पतालले २०२१ मा १ अर्ब ३६ करोड रुपैयाँ व्यापार गरेको थियो । नर्भिले ९ महिनामा १ अर्ब ४९ करोड ५० लाख रुपैयाँ व्यापार गरेको जनाएको छ । अस्पतालले बैंकबाट २ अर्ब ७३ करोड ९९ लाख रुपैयाँ ऋण लिएको छ ।

नर्भिकको बलियो ब्रान्ड छवि छ । जुन यसको सञ्चालनको लामो ट्रयाक रेकर्ड र डाक्टरहरूको गुणस्तरद्वारा परिचित छ । अस्पतालले स्वदेशी र अन्तर्राष्ट्रिय बिरामीहरूलाई स्वास्थ्य सेवा प्रदान गर्ने निर्भक पहिलो अस्पताल हो ।

नेपालमा परीक्षण प्रयोगशालाहरूको लागि राष्ट्रिय मान्यता बोर्ड (एनएबिएल) उच्च प्रविधि प्रयोगशाला सेवाहरूको साथ मान्यता र एक प्रमाणित प्याथोलोजी प्रयोगशाला छ । जसले पूर्ण प्याथोलोजिकल र डायग्नोस्टिक सुविधाहरूको विस्तृत श्रृंखला प्रदान गर्दछ । अस्पताल विभिन्न चिकित्सा र शल्य चिकित्सा क्षेत्रहरूमा चिकित्सा सुविधाहरू प्रदान गर्ने बहुविशेषता भएको अस्पताल हो । कार्डियोलोजीसहित विभिन्न क्षेत्रहरूमा विशेषज्ञताको साथ एकीकृत सुविधा छ ।

यस्तै अस्पतालमा इन भिट्रो फर्टिलाइजेशन (आइभिएफ), न्यूरोलोजी, ग्यास्ट्रोएन्टेरोलजी, अर्थोपेडिक्स, क्रिटिकल केयर, नेफ्रोलोजी र ओन्कोलोजीलगायत सुविधाहरु रहेका छन् । आम्दानीको अधिकांश हिस्सा प्याथोलोजी सेवाहरू र त्यसपछि बेड शुल्कको योगदान छ । यस्तै अल्ट्रासाउन्ड, अन्य स्ट्रिमहरूमा फार्मेसी, भाडा आम्दानी, ब्याज आम्दानी रहेको छ ।

सन् १९९३ मा उद्योगपति वसन्तकुमार चौधरीले ३० बेडसहितको नर्भिक हेल्थकेयर एन्ड रिसर्च सेन्टरबाट स्वास्थ्य सेवा सुरु गरेका थिए । नर्भिक अहिले मुलुककै निजी क्षेत्रको १ सय १५ बेडसहितको ‘मल्टी स्पेस्यालिटी’ हस्पिटल बनेको छ ।

नर्भिक इन्टरनेसनलले २ अर्ब ३७ करोड ५० लाख रुपैयाँ लगानीमा सेवा विस्तार थालेको छ । २०२३ देखि सेवा विस्तार गर्न नयाँ भवन निर्माण गरिरहेको छ । जसमा २१ प्रतिशत स्वपुँजी र ७९ प्रतिशत बैंकको ऋण लगानी छ । जसअनुसार नर्भिकले ५० करोड रुपैयाँ (इक्विटी) र बैंकको ऋण १ अर्ब ८७ करोड ६० लाख रुपैयाँ परिचालन गर्ने भएको छ । अहिलेसम्म २४ प्रतिशत वित्तीय प्रगति भएको अस्पतालले जनाएको छ ।

नर्भिकले अस्पतालको क्षमता बढाएर २ सय बेड पुर्याउने भएको छ । नर्भिककले ओपिडी र आइपिडीका लागि क्षमता विस्तार थालेको हो । अहिले १ सय ४० बेड क्षमता छ । पूर्व घोषणाअनुसार नर्भिकले अहिलेको पार्किङ स्थल क्षेत्रमा अत्याधुनिक सेवा र सुविधासम्पन्न ८ तले भवन निर्माण गरिरहेको छ । निर्माणाधीन अस्पताल आगामी सन् २०२५ मा पूरा हुने अनुमान छ ।

अस्पतालले भवन निर्माणका लागि रोशन कन्स्टूक्सन प्रालिसँग सम्झौतासमेत गरेको छ । नयाँ भवन ‘कम्प्रिहेन्सिभ क्यान्सर ट्रिटमेन्ट’ सहितको आधुनिक र सुविधासम्पन्न हुनेछ । कूल १ लाख ६५ हजार वर्गफिटमा आधुनिक भवन बन्ने छ । नर्भिकमा बिएलसी होल्डिङको ५१ प्रतिशत स्वामित्व छ भने बाँकी वसन्त चौधरीको छ ।

प्राथमिक सेयर (आइपिओ) निष्कासन गर्न लागेको नर्भिक इन्टरनेसनल हस्पिटल पब्लिक लिमिटेडमा रुपान्तरण भइसकेको छ । नर्भिक अस्पतालका साथै मेडिकल कलेज पनि सञ्चालनमा छ । २०२१ जुलाइ १७ मा नर्भिक पब्लिक लिमिटेडमा रुपान्तरण भएको थियो ।

याे पनि : 

• नर्भिक हस्पिटल ३१औं वर्षमा, सेवा विस्तारमा साढे २ अर्ब लगानी थप्दै