सुनौलो नेपाल
काठमाडौँ। काठमाडौँमा केही दिनयतादेखि लामखुट्टे नष्ट गर्ने अभियान सुरु गरिएको छ । काठमाडौँ महानगरपालिकाले लामखुट्टे नष्ट गर्ने अभियान अन्तरगत क्लोरिन पाउडर छरिरहेको छ ।
यसैसिलसिलामा महानगरपालिकाको वडा नं १० कार्यालयले लामखुट्टे नष्ट गर्न भन्दै सडक छेउछाउमा क्लोरिन पाउडर छर्न थालेको छ । २० जना स्वास्थ्य स्वयंसेविकाको टोलीले तीन दिनदेखि १० नम्बर वडाका विभिन्न स्थानमा क्लोरिन पाउडर छरिरहेको छ ।
यसैगरी उक्त वडा कार्यालयको अबका ७ दिनसम्म वडाभित्रका सडक छेउछाउ, गल्ली र घाँस पलाएको ठाउँमा क्लोरिन पाउडर छर्ने कार्यक्रम रहेको जनाइएको छ । लामखुट्टेका बासस्थान हुने क्षेत्र र पानी जम्ने स्थानमा पनि पाउडर छर्किने कार्यक्रम रहेको बताइएको छ ।
गर्मी र वर्षासँगै बढेको लामखुट्टेका कारण डेंगु फैलिन सक्ने जोखिम भएको भन्दै वडा कार्यालयले पाउडर छर्न थालेको हो । बुधबार नयाँ बानेश्वर, बुद्धनगर, शंखमुल क्षेत्रमा क्लोरिन छरिएको थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
