काठमाडौं । नेकपा एमालेकी सांसद सूर्यकुमारी श्रेष्ठले घरेलु रक्सीको नाम ‘तीनपाने’ राख्नुपर्ने प्रस्ताव गरेकी छन् । सरकारले आगामी आर्थिक बर्ष २०८१/८२ को बजेटमा लोकल रक्सीको ब्रान्डिङ गर्ने भनेको छ । सरकारको याे योजनाको समर्थन गर्दै सांसद श्रेष्ठले नेपाली ब्रान्डको नाम ‘तीनपाने अर्गानिक जनजाति रक्सी’ राख्ने प्रस्ताव गरेकी हुन् ।
बिहीबार प्रतिनिधि सभामा शून्य समयमा बोल्दै उनले यस्तो प्रस्ताव गरेकी हुन् ।
लोकल रक्सीका लागि कोदो उत्पादनलाई जोड दिने नीति लिन उनको आग्रह छ ।
नेपाली रक्सी विदेश निर्यात गर्न सके नेपालको आर्थिक स्थितिमा सुधार आउने उनले बताइन् ।