सुनौलो नेपाल
काठमाडौँ । नयाँ सरकार बनाउने कसरत सुरु भएकाे छ । नेकपा एमालेका अध्यक्ष केपी शर्मा ओलीले एमालेका मन्त्रीहरुलाई बालकोट बोलाएका छन् । सत्ता समीकरण परिवर्तनको चर्चा भइरहेका बेला अध्यक्ष ओलीले आफ्नो पार्टीबाट प्रतिनिधित्व गरेका मन्त्रीलाई आफ्नो निवास बोलाएका हुन् ।
सत्ता गठबन्धन फेरबदलको चर्चाकाबीच मन्त्रिपरिषद्को बैठक सिंहदरबारमा बसिरहेको छ । बैठकमा एमालेका मन्त्रीहरु पनि सहभागी छन् ।
मन्त्रिपरिषद् बैठकलगत्तै एमालेका मन्त्रीहरु बालकोट जाने तयारी छ । तर ओलीले आफ्नो पार्टीका मन्त्रीलाई बालकोट किन बोलाएको भन्ने खुलेको छैन ।
आज बिहान अध्यक्ष ओली र प्रधानमन्त्री पुष्पकमल दाहाल प्रचण्डबीच भेटवार्ता भएको थियाे ।
शनिवार कांग्रेस सभापति शेरबहादुर देउवालाई घरमै बोलाएर ओलीले तीन घण्टा छलफल गरेपछि राजनीतमा नयाँ तरंग सिर्जना भएको थियाे । शीर्ष नेताहरूको भेटघाट पनि बाक्लिएको छ ।
आइतबार मात्रै ओली, प्रचण्ड र राष्ट्रिय स्वतन्त्र पार्टीका सभापति रवि लामिछानेले सिंहदरबारमा छलफल पनि गरेका थिए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
