काठमाडौँ । कोपा अमेरिका–२०२४ मा अर्जेन्टिना सेमिफाइनल प्रवेश गरेको छ ।

आज भएको क्वार्टरफाइनल खेलमा इक्वेडरलाई हराउँदै साबिक विजेता अर्जेन्टिना सेमिफाइनल प्रवेश गरेको छ ।

अमेरिकाको एनआरजी रङ्गशालामा भएको खेलको निर्धारित समय १–१ गोलको बराबरीमा सकिएपछि खेल पेनाल्टी सुटआउटमा गएको थियो ।

पेनाल्टीमा इक्वेडरलाई ४–२ गोलअन्तरले हराउँदै अर्जेन्टिना उपाधि नजिक पुगेको हो ।

पेनाल्टी सुटआउटमा गोलकिपर मार्टिनेजले दुई पेनाल्टी बचाएका थिए । कप्तान लियोनल मेसीको पहिलो पेनाल्टी बारमा लागेपछि अर्जेन्टिना पछि परेको थियो ।

तर, मार्टिनेजले लगातार दुई पेनाल्टी बचाउँदै अर्जेन्टिनालाई अन्तिम चारमा प्रवेश गराएका हुन् ।

मार्टिनेजले पहिलो पेनाल्टी प्रहार गरेका एन्जल मेना र एलान मिन्डाको प्रहार रोकेका थिए । इक्वेडरका जन येवोह र जोर्डी काइसेडोले गोल गरे ।

अर्जेन्टिनाको लागि मेसीले पेनाल्टी चुकाउँदा जुलियन अल्भारेज, एलेक्सिस म्याक एलिस्टर, गोन्जालो मोन्टियल र निकोलास ओटामेन्डीले गोल गरेका हुन् ।

यसअघि निर्धारित ९० मिनेटको खेल १–१ को बराबरीमा सम्पन्न भएपछि खेल सिधै पेनाल्टी सुटआउटमा पुगेको थियो ।

पेनाल्टीमा अर्जेन्टिना भाग्यमानी रह्यो  जसका कारण सेमिफाइनलमा आफ्नो स्थान बनाउन सफल भयो ।