काठमाडौँ । नेपाली बजारमा बुधबार सुनको मूल्य घटेको छ । सुन तोलामा १४ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन तोलाको १ लाख ४६ हजार ३०० रुपैयाँमा कारोबार भइरहेको छ ।

मंगलबार छापावाल सुन तोलाको एक लाख ४७ हजार ७ सय रुपैयाँमा कारोबार भएको थियो ।

सुनको मूल्य प्रतितोला डेढ लाख पुगेर फेरि ओरालो यात्रामा लागेको हो ।

मंगलबार नेपाली बजारमा सुनको मूल्य तोलामा २३ सयले घटेको थियो । मंगलबार छापावाल सुनको मूल्य प्रतितोला २३ सय रुपैयाँले घटेर १ लाख ४७ हजार ७ सय रुपैयाँ कायम भएको थियो ।

सोमबार नयाँ रेकर्ड कायम गरेको सुनको मूल्य मंगलबार एकैदिन तोलामा २३ सय रुपैयाँले घटेको थियो । सोमबार नयाँ रेकर्ड कायम हुँदै सुन प्रतितोला डेढ लाख रुपैयाँमा कारोबार भएको थियो ।

सोमबार २४ क्यारेट (छापावाल) सुन अहिलेसम्मकै उच्च १ लाख ५० हजार रुपैयाँ कायम भएको थियो।

त्यसपछि मंगलबार र बुधबार सुनको मूल्य निरन्तर ओरालो लागेको छ ।

आज चाँदीको मूल्य पनि घटेको छ । चाँदी तोलाको १ हजार ७१० रुपैयाँमा कारोबार भइरहेको छ । मंगलबार १ हजार ७२५ रुपैयाँमा कारोबार भएको थियो ।

सुन विश्व बजारमा प्रति औँस २३ सय ८३ डलरमा कारोबार भएको छ । गत साता अन्तर्राष्ट्रिय बजारमा सुनको मूल्य बढेर प्रति औँस २५ सय डलर नाघेको थियो ।