सुनौलो नेपाल
काठमाडौँ । अमेरिकी उप विदेशमन्त्री रिचार्ड वर्मा नेपाल आइपुगेका छन् ।
अमेरिकाका व्यवस्थापन तथा श्रोतसम्बन्धी अमेरिकी उप विदेशमन्त्री रिचार्ड वर्मा नेपाल आएका हुन् ।
उनले नेपालमा आज राष्ट्रपति रामचन्द्र पौडेल, प्रधानमन्त्री केपी शर्मा अोली र परराष्ट्र मन्त्री आरजु राणा देउवालगायत विभिन्न उच्च स्तरीय अधिकारीलाई भेट्ने जनाइएको छ ।
नेपालमा उपविदेशमन्त्री वर्मासहितको प्रतिनिधि मण्डलले वरिष्ठ सरकारी अधिकारी, विकास परियोजनाका प्रतिनिधि तथा व्यापार व्यवसायीका प्रतिनिधिहरूलाई भेट्ने कार्यक्रम छ । नेपालको एक दिने भ्रमण सकेर उनी भोलि भारतका लागि प्रस्थान गर्ने बताइएको छ ।
अमेरिकी आर्मीमा समेत काम गरिसकेका उनी भारतका लागि पूर्वअमेरिकी राजदूत पनि हुन् । यसै साता भारतीय विदेश मन्त्रालयका विदेश सचिव विक्रम मिस्री पनि नेपालको भ्रमण सकेर फर्किएका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
