दाङ । दाङको शान्तिनगर गाउँपालिका –२ मा तीज विशेष नृत्य प्रतियोगिता हुने भएको छ । नारीहरुको महान चाँड हरितालिका तीजको उपलक्ष्यमा नारी सहभागिता बढाउने उदेश्यले उक्त प्रतियोगिताको आयोजना गरिएको हो ।

कार्यक्रम भदौ २१ गते शान्तिनगर गाउँपालिका वडा नं-२ को कार्यालय अगाडी शिव मन्दिर प्राङगणमा हुनेछ ।

प्रतियोगितामा प्रथम हुनेलाई नगद ८ हजार रुपैयाँ, द्धितिय हुनेलाई नगद ४ हजार रुपैयाँ र तृतिय हुनेलाई नगद २ हजार रुपैयाँसहित प्रमाणपत्र प्रदान गरिनेछ ।

प्रतियोगिताको आयोजना शान्तिगनर गाउँपालिका–२ का युवा परिवारले गरेका छन् भने संयोजन स्वास्थ्य आमा समुहले गरेको छ ।

कार्यक्रम विशेषत नारीहरुलाई मध्यनजर गर्दै आयोजना गरिएको कार्यक्रमका संयोजक बिशाल बिष्टले जानकारी दिए । नृत्य गर्ने गीत तीज वा दोहोरी भाकाको हुनुपर्ने आयोजकले जनएको छ । कार्यक्रम बिहान १० बजेबाट सुरु हुनेछ ।