काठमाडौँ । आज कारोबार साताको पहिलो दिन अर्थात आइतबार शेयर बजार दोहोरो अंकले घटेको छ । आज नेप्से परिसूचक २५.४६ प्रतिशतले घटेर २७०० को बिन्दुमा कायम भएको छ ।

आज कारोबार भएका कम्पनीहरुमध्ये १६० वटाको शेयरमूल्य घटेको छ भने ८२ वटाको मात्र शेयरमूल्य बढेको छ । आइतबार कारोबार भएकामध्ये चार कम्पनीको शेयरमूल्यमा सकारात्मक सर्किट लागेको छ ।

आइतबार महुली लघुवित्त, श्रीजनशील लघुवित्त, मिड सोलु हाइड्रोपावर, मनकामना स्मार्ट लघुवित्तको शेयरमा सकारात्मक सर्किट लागेको छ ।

आज ३२८ कम्पनीको २ करोड २२ लाख ६२ हजार ९२४ कित्ता शेयर किनबेच हुँदा १० अर्ब १२ करोडमाथिको शेयर कारोबार भएको छ ।

सिएचडीसी कम्पनीको ४२ करोड १९ लाख रुपैयाँको शेयर कारोबार भएको छ । एचआइडीसीएलको ३५ करोड ८१ लाख रुपैयाँ संस्थापक शेयर कारोबार भएको छ । ग्रिन लाइफ हाइड्रोको ३५ करोड ५६ लाख रुपैयाँको शेयर कारोबार भएको छ ।

आज थ्रि स्टार हाइड्रोका लगानीकर्ताले १० प्रतिशतका दरले गुमाएका छन् ।

आइतबार १० उपसूचक राताम्य भएका छन् । यसदिन बैंकिङ समूहको १.५८ प्रतिशत, विकास बैंक समूहको २.०७ प्रतिशत, फाइनान्स समूहको १.२४ प्रतिशत, होटल तथा पर्यटन समूहको १.४१ प्रतिशतले शेयर मूल्य ओरालो लागेको छ ।