सांसदहरूलाई उपत्यका बाहिर नजान नेपाली कांग्रेसको निर्देशन

सुनौलो नेपाल
बुधबार, २६ भाद्र २०८१

काठमाडौं । नेपाली कांग्रेसले आफ्ना सांसदहरूलाई उपत्यका बाहिर नजान ह्विप जारी गरेको छ । कांग्रेसले असोज ३ गतेसम्म आफ्ना सांसदलाई उपत्यका बाहिर नजान निर्देशन दिएको हो ।

बुधबार कांग्रेस संसदीय दलका प्रमुख सचेतक श्याम घिमिरेले सांसदहरुलाई सूचना पठाउँदै ३ असोजसम्म काठमाडौं उपत्यका बाहिर नजान भनेका छन् ।

त्यस्तै उपत्यका बाहिर रहेका सांसदहरुलाई पनि काठमाडौं फर्किन भनिएको छ ।

बुधबार बसेको कांग्रेसको पदाधिकारी तथा पूर्वपदाधिकारी बैठकले उपसभामुख इन्दिरा राना मगरलाई राजीनामा दिन आग्रह गर्ने निर्णय गरेको छ ।

उपसभामुख इन्दिरा राना मगरविरुद्ध प्रस्ताव ल्याउने तयारीमा सत्ता पक्ष रहेकाले कांग्रेसले यस्तो निर्देशन आफ्ना सांसदहरूलाई जारी गरेको हो ।

सम्बन्धित विषय:

उपत्यका नेपाली कांग्रेस

ताजा अपडेट

लोकप्रिय

सांसदहरूलाई उपत्यका बाहिर नजान नेपाली कांग्रेसको निर्देशन