सुनौलो नेपाल
काठमाडौं । नेकपा एमालेका सांसद तारा लामा तामाङले सुदूरपश्चिम प्रदेशमा बाढीपहिरोले पुर्याएको क्षतिको स्थलगत अनुगमन गर्न सरकारसँग माग गरेका छन् । सोमबार बसेको प्रतिनिधिसभाको बैठकमा बोल्दै सांसद तामाङले यस्तो बताएका हुन् ।
उनले भदौ २७ देखि २९ गतेसम्म वर्षाका कारण कैलाली, कञ्चनपुर, डोटी र डडेल्धुरामा ८ जनाको ज्यान गएको बताए । सांसद तामाङले सरकारसँग मृतकका परिवार र बाढीपहिरो पीडितलाई उचित क्षतिपूर्तिको माग गरे ।
उनले कञ्चनपुरमा दोदा, चौधर र महाकाली नदीको बाढीले हजारौँ विघा धानखेती बगरमा परीणत भएको बताए । साथै, धनगढीदेखि पुनर्वास, बेलौरी जोड्ने सडक स्थलमार्गको कनेक्सन बर्षाको बेला टुट्ने गरेको उनले बताए ।
उनले भने, ‘महाकाली नदीले तटबन्ध भत्काएको छ, हजारौँ विघाको धान बगरमा परीणत भएको छ, आरक्षपीडित दोहोरो मारमा पर्नुभएको छ । विभागीय मन्त्रीज्यूलाई स्थलगत अनुगमनका लागि अनुरोध गर्दछु । बाढीपहिरो पीडितलाई उचित क्षतिपूर्तिको व्यवस्था होस् ।’
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
