मेष : मनमा परोपकारको भावना आउने छ। सामाजिक सेवा गर्ने योग छ। तपाईंले गरेको श्रमको क्षेत्रबाट राम्रो फाइदा हुनेछ। व्यापारमा नाफा हुनेछ। रोगमुक्त हुने दिन छ। परिवारमा मेलमिलाप हुनेछ।

वृष : बोलीमा मोहनी भएकाले थोरै र अर्थपूर्ण बोल्नु राम्रो हुनेछ। परिवारको साथमा घुमघामको अवसर मिल्नेछ। राजनीतिक संगठनको सहयोगमा गरेको कामको प्रतिफल राम्रो हुनेछ। सामाजिक क्षेत्रमा आकर्षण बढ्नेछ।

मिथुन : विचार र बोली सकारात्मक बन्नेछ। बोलीमा नम्रता, विचारमा स्पष्टता र व्यवहारमा दुरदर्शीता रहनेछ। अध्ययनको क्षेत्रमा गरेको लगानीबाट फाइदा हुनेछ। दीर्घकालीन योजना बनाएर अगाडि बढ्नु फाइदाजनक हुनेछ।

कर्कट : रोगको पञ्जाबाट छुटकारा प्राप्त हुनेछ। शिक्षामा गरेको लगानीबाट राहत मिल्नेछ। अष्टम भावमा शनिदेव रहेकाले सानो कुराले मन पोल्नसक्छ। पितृको सम्मान गरेमा सबै कुरा राम्रो बन्नेछ।

सिंह : मन प्रशन्न रहनेछ। रोकिएका काम बन्नेछन्। लगानीका क्षेत्रमध्ये हार्डवयरको बजारमा गरेको लगानी र व्यापारमा फाइदा हुनेछ। परिवारसँगको सल्लाहमा अगाडि बढ्दा नाफा हुनेछ। राजनीतिक संगठनबाट साथ मिल्नेछ।

कन्या : महत्त्वकांक्षी कामबाट पश्चाताप बढ्नेछ। धर्ममा आस्था राखेको भए शन्त व्यक्तिको संगत हुनेछ। परिवारको तर्फबाट साथ र सहयोग मिल्नेछ। शन्तसँगको संगतले सोचेका काम बन्नेछ।

तुला : सांगठानिक क्षेत्रमा आक्रमण हुनेछ। प्रतिभाको सम्मान हुनेछ। संस्थागत काममा रुचि बढ्नेछ। सामाजिक संस्थाबाट प्रशंसा मिल्नेछ। वैदेशिक क्षेत्रमा गरेको लगानीबाट राम्रो आम्दानी हुनेछ। परिवारको तर्फबाट रचनात्मक साथ र सहयोग प्राप्त हुनेछ।

वृश्चिक : खानपानमा ख्याल नगर्दा पुरानो रोगको प्रकोप बढ्ने जोखिम छ। महत्त्वकांक्षी विचारधारा रहेकाले आफन्त टाढा हुनेछन्। धर्म र संस्कारमा सहभागी हुनु राम्रो हुनेछ। परिवारमा मेलमिलाप हुनेछ।

धनु : शिक्षा र स्वास्थ्यमा गरेको लगानीबाट राम्रो नतिजा प्राप्त हुनेछ। अप्ठेरो अवस्थामा बन्धुको साथ मिल्नेछ। पारिवारिक प्रेममा धोका हुने भएकाले कर्तव्यमा जिम्मेवार बन्नु राम्रो हुनेछ।

मकर : सञ्चित धन खर्च हुने जोखिम छ। तपाईंले गरेका लगानीका प्रयासमध्ये शिक्षा र स्वास्थ्यमा राम्रो फाइदा हुनेछ। न्यायको पर्खाइमा भए तपाईंको पक्षमा न्याय हुनेछ। पारिवारिक प्रेम सम्बन्ध सुमधुर बन्नेछ। पन्छीलाई दाना दिएर दिनको सुरुवात गर्नु राम्रो हुनेछ।

कुम्भ : तपाईंका कारणले दाजुभाइले फाइदा लिनेछन्। अल्छीपनले शिक्षामा अवरोध हुनसक्छ। पर्ख र हेरको अवस्थाले निर्णय क्षमता कमजोर बन्नेछ। मध्य साढेसातीको कारण मन अशान्त बन्नेछ। प्रेम सम्बन्ध भने सुमधुर बन्ने योग छ।

मीन : धन कमाउने दिन छ। प्राविधिक क्षेत्रको लगानीबाट उत्साह थपिने छ। आज समाजको महत्त्वपपूर्ण जिम्मेवारी प्राप्त हुनेछ। बजारको खानपानले रोग बढ्ने भएकाले खानु अगाडि सचेत बन्नु राम्रो हुनेछ।