काठमाडौँ । नेपाली बजारमा आज सुनको मूल्य बढेको छ ।

आज शुक्रबार सुन तोलामा १५ सयले बढेको नेपाल सुनचाँदी व्यवसायी महासंघले जानकारी दिएको छ । सुन आज प्रतितोला १ लाख ५७ हजार १ सय रुपैयाँ कायम भैरहेको छ ।

यसअघि बिहीबार सुनको मूल्य प्रतितोला १ लाख ५५ हजार ६ सय रुपैयाँ कायम भएको थियो । हिजो बिहीबार सुनको मूल्य प्रतितोला ८ सय रुपैयाँले घटेको थियो ।

बिहीबार सुन बजारमा ब्याजदर कटौतिको उल्टो असर पर्दा मूल्य घटेको थियो तर आज भने सुनको मूल्य बढेको छ ।

पछिल्लो सयम सुनको मूल्यमा उतारचढाव हुँदै आएको छ । दैनिक जसो सुनको मूल्य बढिरहेको छ ।

अमेरिकाको केन्द्रीय बैंक फेडरल रिजर्भले ब्याजदर कटौति गरेसँगै त्यसको असर सुनमा परेको हो । अमेरिकाको केन्द्रीय बैंक फेडरल रिजर्भले ब्याजदर घटाएपछि यसको प्रभाव सुनमा पर्दा मूल्य बढेको महासंघले बताएको छ ।

फेडरल रिजर्भले ब्याजदर ०.५० प्रतिशत विन्दु घटाएको हो । फेडरल ब्याजदर ४.७५ देखि ५ प्रतिशतसम्मको सीमामा झरेको छ । फेडरल रिजर्भले ब्याजदर घटाएपछि लगानीकर्ताहरुले सुनमा लगानी बढाउँदा सुनको मूल्य बढेको छ ।

यसअघि फेडर रिजर्भले सन्दर्भ ब्याजदर ५.२५ देखि ५.५० प्रतिशतसम्म कायम गरेको थियो ।

त्यस्तै आज चाँदीको मूल्य पनि बढेको छ । चाँदीको मूल्य तोलामा ३५ रुपैयाँले बढेको हो । आज चाँदी प्रतितोला १९१५ रुपैयाँमा कारोबार भईरहेको नेपाल सुनचाँदी व्यवसायी महासंघले जानकारी दिएको छ ।

यो पनि : 

फेडरल रिजर्भ ब्याजदर कटौतिको उल्टो असर, घट्यो सुनको मूल्य