काठमाडौँ । आउँदो दसैँको टीकाको साइत असोज २६ गते बिहान ११ बजेर ३६ मिनेटमा रहेको छ । नेपाल पञ्चाङ्ग निर्णायक विकास समितिले शुक्रबार सूचना जारी गर्दै बिहान ८ बजेर ३३ मिनेटमा दुुर्गा विसर्जन गरिने जानकारी दिएको छ । देवीको प्रसाद लगाउन साइत नचाहिने समितिले जानकारी दिएको छ ।
समितिले २०८१ सालको दसैं असोज १७ गतेदेखि सुरु भई असोज ३० गते सकिने जनाएको छ । असोज १७ गते घटस्थापना हो । बिहान ९ बजेर १६ मिनेटमा घटस्थापनाको साइत रहेको छ ।
असोज २२ गते पचलीभैरव यात्रा र २४ गते फूलपाती छ । फूलपाती भित्राउने शुभसाइत बिहान ७ बजेर ११ मिनेटमा रहेको समितिले जारी गरेको सूचनामा उल्लेख छ ।