सुनौलो नेपाल
काठमाडौँ । सुनकोशी गाउँपालिका–७ कानढुंग्रीनजिक सडक आइतबार बिहान धसिएको छ ।
बीपी राजमार्गअन्तर्गत खुर्कोट–नेपालथोक खण्डको सुनकोशी गाउँपालिका–७ कानढुंग्रीनजिक सडक सुनकोशी नदीले कटान गर्दै आएकाले करिब ५० मिटर सडक धसिएको हो ।
जिल्ला प्रहरी कार्यालय सिन्धुलीका अनुसार धसिएको सडक क्षेत्रबाट शनिबार साँझसम्म यातायात सञ्चालन हुनसक्ने अवस्था थियो ।
कालोपत्रे सडकसमेत पूरै धसिएर सवारी साधन वारपार हुनसक्ने अवस्था नरहेको बताइएको छ । सुनकोशी–मरिण डाइभर्सनको सुरुङमार्गनजिकै सडक धसिएको हो ।
सुनकोशीको बहाव नघटेसम्म खुर्कोट–मूलकोट सडक पनि अवरुद्ध नै हुने बताइएको छ ।
नेपालथोक–खुर्कोट खण्डको कमेरेफाँटमा खसेको लेदोसहितको पहिरो शनिबारदेखि नै मेसिन लगाएर हटाउने काम भइरहेको प्रहरीले जनाएको छ ।
नेपालथोक जिक रोशी खोलाले करिब ६० मिटर सडक पूरै बगाएको क्षेत्रमा भने बाढी घटेपछि मात्र अस्थायी सडक निर्माण सुरु हुने प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
