एजेन्सी – दक्षिण कोरियामा एक महिलाका कारण करिब ५ हजार जनामा कोरोना फैलिएको पाइएको छ।

दक्षिण कोरियाका वैज्ञानिकका अनुसार भाइरस फैलिनुको कारण अनुसन्धान गर्दा एक महिलाको लापरवाहीका कारण देशमा हजारौँ मान्छे संक्रमित भएको पाइएको हो ।

उनी संक्रमित भइसकेपछि विभिन्न स्थानमा यात्रा गर्नाले भाइरसको आक्रमण नियन्त्रण हुन नसकेको पाइएको हो । एक कोरोना संक्रमित महिला बिहानको प्राथनाका लागि शेन्चोजी चर्च गइन् । जहाँ उनको माध्यमबाट १२ सय जना संक्रमित भए । त्यसपछि उनी ६ फेब्रुअरीमा सानो दुर्घटनाका कारण अस्पताल पुगिन् । जहाँ गर्दा उनमा ज्वरोको मात्रा बढी देखियो ।

त्यसपछि सोहि अस्पतालमा उनीमार्फत थप १ सय १९ जना संक्रमित भए । उनको यात्रा त्यसपछि पनि रोकिएन । १४ फेब्रुअरीमा उनी खाना खान क्वीन वेल होटलमा गइन् । त्यहाँ पनि धेरै जना संक्रमित भए । यसरी पुरै राष्ट्रमा उक्त भाइरस फैलियो र कसैलाई थाहा पनि भएन ।

दक्षिण कोरियाको राजधानी सोउलमा उक्त महिलालाई संक्रमण भएको थियो । उनको माध्यमबाट पुरै देशमा भाइरस फैलिएको वैज्ञानिकको अनुसन्धानमा देखिएको छ ।