बिहिबार, चैत्र २१ २०८१

बिहिबार, चैत्र २१ २०८१

सुनको मूल्य प्रतितोला १ लाख ७० हजार नाघ्यो, कतिमा हुँदैछ किनबेच ?

सुनको मूल्य प्रतितोला १ लाख ७० हजार नाघ्यो, कतिमा हुँदैछ किनबेच ?

काठमाडौँ । नेपाली बजारमा सुनको मूल्य आज तोलामा २ हजार २०० रुपैयाँले बढेको छ ।

बुधबार छापावाल सुनको मूल्य तोलामा १ लाख ७० हजार ७०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार सुनको मूल्य फेरि अहिलेसम्मकै सर्वाधिक महँगो भएको छ ।

हिजो सुनको मूल्य तोलाको एक लाख ६८ हजार पाँच सय रुपैयाँ थियो ।

सुनचाँदी व्यवसायी महासंघका पूर्व अध्यक्ष तेजरत्न शाक्यले मध्यपूर्वलगायत क्षेत्रमा बढ्दो भू–राजनीतिक अनिश्चितताका कारण व्यापारीहरूले सुनलाई सुरक्षित सम्पत्तिका रूपमा कारोबार गर्दा मागमा आएको वृद्धिसँगै मूल्य बढेको बताए ।

उनका अनुसार इजरेल र हमास युद्धको प्रभाव सुन बजारमा परेको हो । उनले भने ‘हमास र इजरेल युद्धका कारण लगानीकर्ताहरुले आफ्नो सम्पत्ति सुरक्षित गर्नका लागि सुनमा लगानी गर्दा अहिले सुनको मूल्य दैनिक बढिरहेको छ ।’

चाँदी पनि आज महँगिएको छ । चाँदी आज तोलाको दुई हजार एक सय २० रुपैयाँ कायम भएको महासंघले जनाएको छ ।

हिजो चाँदीको मूल्य दुई हजार एक सय पाँच रुपैयाँ थियो ।

सम्बन्धित विषय:
ताजा अपडेट
लोकप्रिय
सम्बन्धित समाचार

© 2025 All right reserved to Sunaulonepal.com | Site By : SobizTrend

© 2025 All right reserved to Sunaulonepal.com | Site By : SobizTrend