कात्तिक २५ काठमाडौं – आईपीएल २०२० को उपाधिको लागि मुम्बई इन्डीएन्स र दिल्ली क्यापिटल्सबीच प्रतिस्पर्धा हुँदैछ।  दुबई अन्तर्राष्ट्रिय स्टेडियममा आज राति ७:४५ बजे हुने खेलले २०२० को आईपीएल विजेता छिनोफानो गर्नेछ। 

पाँचौंपल्ट उपाधि जित्ने अभियानमा मुम्बई हुनेछ भने दिल्लीले पहिलो पटक उपाधि जितेर इतिहास रच्ने पक्षमा हुनेछ। मुम्बईले अहिलेसम्म खेलका १५ खेलमध्ये १० मा जित हात पारेको छ भने दिल्लीले १६ खेल खेलेर त्यसमा ९ जित निकालेको छ ।

आईपीएलमा अहिलेसम्म यी दुई टीम २७ पटक प्रतिश्पर्धा गरिसकेका छन्। जसमध्ये १५ पटक मुम्बईले जितेको छ भने १२ पटक दिल्ली विजयी भएको छ। यो सिजन शुरु हुनुअघि दुवै टीम हेड टु हेडमा बराबर थिए।

यो सिजनमा दुई टिमबीच ३ खेल भएका छन। सबै खेलमा मुम्बईले दिल्लिमाथि जित निकाल्न सफल भएको छ। जसले गर्दा आजको खेलमा मुम्बईलाई दिल्लीमाथि दवाव बनाइराख्न केहि सहज हुने देखिन्छ तथापी दिल्ली पनि उत्कृष्ट खेल प्रदर्शन गर्दै आएकोले उपाधि जित्नका लागि उत्तिकै दावेदार छँदैछ। 

त्यसैले आजको खेल अत्यन्तै रोचक हुनेछ।  विजेता को बन्छ त्यो भने समयले नै बताउनेछ।