‘रवि लामिछाने जिउँदो रहेसम्म रास्वपाको सभापति उहाँ नै हो' : उपसभापति अर्याल

सुनौलो नेपाल

आइतवार , कार्तिक २५, २०८१

‘रवि लामिछाने जिउँदो रहेसम्म रास्वपाको सभापति उहाँ नै हो' : उपसभापति अर्याल

काठमाडौँ । राष्ट्रिय स्वतन्त्र पार्टी (रास्वपा) का उपसभापति डोलप्रसाद अर्यालले पार्टीको सभापति रवि लामिछाने नै रहने बताएका छन् ।

सभापति लामिछानेको रिहाईको माग गर्दै आइतबार पोखरामा आयोजित कार्यक्रममा बोल्दै उनले जिउँदो रहेसम्म रास्वपाको सभापति रवि लामिछाने नै रहने बताए । उनले भने ‘रवि लामिछाने जिउँदो रहेसम्म रास्वपाको सभापति उहाँ नै हो। यसमा कार्यवाहक सभापति कसले पाउँछ, कसले पाउँदैन त्यो गौण कुरा हो।’

सहकारी ठगी र संगठित अपराध कसुरमा गत कात्तिक २ गते सभापति लामिछाने प्रहरीले काठमाडौँबाट पक्राउ गरेर पोखरा लगेको थियो । त्यसपछि रास्वपाले सभापतिको रिहाईको माग गर्दै आन्दोलन तथा प्रदर्शन गर्दै आएको छ ।