सुनौलो नेपाल
काठमाडौं । नेपाल कम्युनिष्ट पार्टी (नेकपा) को आन्तरिक विवाद उत्कर्षमा पुगेका बेला निकै सक्रिय भएको चिनियाँ राजदूत होउ यान्छी नेकपा विभाजनपछि पनि उसैगरी दौडधुपमा व्यस्त छिन् ।
नेकपा विभाजनपछि राष्ट्रपति विद्यादेवी भण्डारीसँग ७ पुसमा एक घण्टा छलफल गरेकी यान्छीले आज (बिहीबार) बिहानै नेकपाका अध्यक्ष पुष्पकमल दाहाल ‘प्रचण्ड’ लाई भेटेकी छिन् ।
उनीहरूबीच आधा घण्टा छलफल भएको अध्यक्ष प्रचण्डको सचिवालयले जानकारी दिएको छ । ‘पार्टी विभाजनपछिको घटनाक्रमका विषयमा चिनियाँ राजदूतले अध्यक्ष ज्यूसँग छलफल गर्नु भएको छ,’ प्रचण्डको सचिवालयका एक सदस्यले भने ।
नेकपाको विभाजन रोक्नका लागि चीनले बारम्बार शीर्ष तहका नेतासँग संवाद गरेको थियो । गत महिना नेपाल भ्रमणमा आएका चिनियाँ रक्षामन्त्री वेई फेङहेले राष्ट्रपति भण्डारीलाई चीनको चाहना पार्टी विभाजन नरहेको सन्देश समेत दिएका थिए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
